Amerikalı iş adamı İlon Mask hesab edir ki, ABŞ prezident seçkilərində qalib gələn Donald Trampın planı sayəsində Ukraynada axan qan tezliklə bitəcək.

"Unikal" xəbər verir ki, bundan əvvəl "Wall Street Journal" öz mənbələrinə istinadən yazıb ki, Trampın ətrafı Kiyevin müvəqqəti olaraq NATO-ya üzv olmamaq vədi müqabilində Ukraynada münaqişənin dondurulmasını, cəbhə xətti boyunca hərbsizləşdirilmiş zonanın yaradılmasını və yeni silah təchizatını təklif edib.

Rusiya prezidentinin mətbuat katibi Dmitri Peskov yazılanların abstrakt xarakter daşıdığını deyib.