Misli Premyer Liqasının XV turunda üz-üzə gələn "Neftçi" və "Qarabağ" komandaları arasında derbi oyunu başa çatıb.

"Unikal" xəbər verir ki, "Neftçi Arena"da keçirilən görüş Ağdam klubunun 3:0 hesablı qələbəsi ilə yekunlaşıb.

"Qarabağ"ın heyətində qolları Leandro Andrade (2 qol) və Nəriman Axundzadə vurublar.

Bu nəticədən sonra xallarını 37-yə çatdıran "Qarabağ" turnir cədvəlində liderliyə yüksəlib. "Neftçi" isə 13 xalla 7-ci sırada qalıb.

Qeyd edək ki, turun əvvəlki oyunlarında “Araz-Naxçıvan” “Turan Tovuz”a, “Sabah” “Səbail”ə, “Kəpəz” “Şamaxı”ya 1:0, “Zirə” isə “Sumqayıt”a 4:1 hesabı ilə qalib gəlib.

***20:25

Misli Premyer Liqasının XV turunda "Neftçi" və "Qarabağ" komandaları arasında derbi oyununda üçüncü qol vurulub.

"Unikal" xəbər verir ki, "Neftçi Arena"da keçirilən görüşün 55-ci dəqiqəsində Ağdam klubunun heyətində Leandro Andrade dubl edib.

Qarşılaşmanı FIFA referisi Əliyar Ağayev idarə edir.

*** 20:17

Misli Premyer Liqasının XV turunda "Neftçi" və "Qarabağ" komandaları arasında derbi oyununda ikinci qol vurulub.

"Unikal" xəbər verir ki, "Neftçi Arena"da keçirilən görüşün 53-cü dəqiqəsində Ağdam klubunun heyətində Nəriman Axundzadə fərqlənib.

Qarşılaşmanı FIFA referisi Əliyar Ağayev idarə edir.

*** 20:02

Misli Premyer Liqasının XV turunda "Neftçi" və "Qarabağ" komandaları arasında derbi oyununda birinci hissə başa çatıb.

"Unikal" xəbər verir ki, Ağdam təmsilçisi "Neftçi Arena"da keçirilən görüşün fəsiləsinə 1:0 hesablı üstünlüklə yollanıb.

Qarşılaşmanı FIFA referisi Əliyar Ağayev idarə edir.

*** 19:37

Misli Premyer Liqasının XV turunda keçirilən "Neftçi" - "Qarabağ" oyununda ilk qol vurulub.

"Unikal" xəbər verir ki, 27-ci dəqiqədə Ağdam təmsilçisi hesabı açıb.

"Qarabağ"ın heyətində Leandro Andrade fərqlənib.

*** 19:07

Misli Premyer Liqasının XV turunda "Neftçi" və "Qarabağ" komandaları arasında derbi oyunu başlayıb.

"Unikal" xəbər verir ki, "Neftçi Arena"da keçirilən görüş saat 19:00-da start götürüb.

Qarşılaşmanı FIFA referisi Əliyar Ağayev idarə edir.