Daşkəsəndə 4 otaqlı ev yanıb.
Bu barədə "Unikal"a FHN-in Mətbuat Xidmətindən məlumat verilib.
Bildirilib ki, hadisə rayonunun Güneykənd kəndində baş verib.
Belə ki, ümumi sahəsi 100 m² olan kürsülü ikimərtəbəli 4 otaqlı evin yanar konstruksiyaları 84 m² sahədə yanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
