Bakı şəhəri üzrə Təhsil İdarəsinin müdir müavini Anar Məmmədov vəzifəsindən azad olunub.
"Unikal" xəbər verir ki, Anar Məmmədov ötən həftə işdən çıxarılıb. Bakı Şəhəri üzrə Təhsil İdarəsinin məlumatına görə, Anar Məmmədovla bağlanmış əmək müqaviləsinin müddəti bitdiyinə görə xitam verilib.
Qeyri-rəsmi məlumatlara görə isə, Anar Məmmədov bağçalara, məktəblərə direktor, direktor müavini təyin edilməsinin müsahibə mərhələsində yol verdiyi nöqsanlara görə işdən azad olunub.
Xatırladaq ki, Anar Məmmədov Bakı Şəhəri üzrə Təhsil İdarəsində (BŞTİ) müdir müavini vəzifəsinə 2022-ci ildə təyin olunub.
Qeyd edək ki, A.Məmmədovun vəzifəsindən azad edilməsi ilə bağlı ilk məlumatı editor.az saytı yayıb.
