Goranboyda bıçaqlanma hadisəsi olub.

"Unikal"ın məlumatına görə, Kəlbəcər rayon sakini, 2000-ci il təvəllüdlü Süleymanov İsmayıl Eldar oğlu Goranboy rayonunun Qazanbulaq qəsəbəsi ərazisində münaqişə zəminində qonşusu, 1981-ci il təvəllüdlü Nağıyev Vahid Aydın oğluna bıçaqla xəsarət yetirib.

Bıçaq xəsarəti alan şəxs Goranboy Rayon Mərkəzi Xəstəxanasına yerləşdirilib, onun vəziyyətinin ağır olduğu bildirilir.

Hadisə yerinə polis əməkdaşları cəlb olunub. Faktla bağlı araşdırma aparılır.

Tural Əhmədov