NATO-nun keçmiş baş katibi Yens Stoltenberq Bilderberq klubunun rəhbərliyinin həmsədri olub.

"Unikal" xəbər verir ki, bu barədə klubun saytı məlumat yayıb.

Klubun yeni üzvləri arasında "Warner Bros."un prezidenti də var. Bilderberq klubu dünya elitaları üçün qeyri-rəsmi beynəlxalq şəbəkə platformasıdır. Siyasətçilər, iş adamları, elm adamları və media nümayəndələri qapalı formatda qlobal problemləri müzakirə etmək üçün toplaşırlar.

Klub İkinci Dünya Müharibəsindən sonra beynəlxalq əməkdaşlığı inkişaf etdirmək və dünya iqtisadiyyatını sabitləşdirmək üçün yaradılıb. Hər il müxtəlif sahələrdən - siyasət, maliyyə, elm, texnologiya və mediadan 100-dən çox lider görüşlərə dəvət olunur.

Gülayə Mecid