Yeni Azərbaycan Partiyası (YAP) Nizami rayon təşkilatında 20 Yanvar faciəsinin 35-ci ildönümü ilə əlaqədar tədbir keçirilib.

"Unikal" xəbər verir ki, əvvəlcə “20 yanvar 1990-cı il: Misilsiz fədakarlığın və qəhrəmanlıq salnaməsinin 35-ci ilində” mövzusunda əl işlərindən ibarət sərgiyə baxış keçirilib.

Tədbirdə çıxış edən YAP Nizami rayon təşkilatının sədri Ramil Vəlibəyov, Nizami Rayon İcra Hakimiyyətinin İctimai-siyasi və humanitar məsələlər şöbəsinin müdiri Bəhman Hüseynov və başqaları bildiriblər ki, 20 Yanvar faciəsi müstəqillik, istiqlal və hürriyyət uğrunda xalqımızın apardığı milli azadlıq hərəkatının zirvəsi kimi Azərbaycan tarixinə həkk olunub. 1990-cı ilin Qanlı Yanvar hadisəsi Azərbaycan xalqı üçün təkcə böyük faciə deyil, həm də ləyaqətini qorumaq üçün hər cür qurban verməyə hazır olan xalqın tarixində şərəfli bir səhifədir.

Çıxışlardan sonra rəsm və inşa müsabiqəsinin qalibləri mükafatlandırılıb.

Ümumilikdə 47 nəfərin iştirak etdiyi rəsm müsabiqəsində birinci yerə sağlamlıq imkanları məhdud uşaqlar üçün 3 nömrəli xüsusi internat məktəbinin şagirdi Turan İbrahimov, ikinci yerə 238 saylı tam orta məktəbin şagirdi Sevda Məmmədli və 61 saylı tam orta məktəbin şagirdi Alina Muxametşina, üçüncü yerə isə 251 saylı tam orta məktəbin şagirdi Səhər Əhədli, 12 saylı tam orta məktəbin şagirdi Məryəm Hümbətli və Kimya-biologiya təmayüllü respublika liseyinin şagirdi Bətül Mustafazadə layiq görülüblər.

73 nəfərin iştirak etdiyi inşa müsabiqəsində isə birinci yerin qalibi Azərbaycan Dövlət İqtisad Universitetinin nəzdində Qida Sənayesi Kollecinin tələbəsi Zeynəb Əliməmmədova, ikinci yerin qalibləri 201 saylı tam orta məktəbin şagirdi Səma Cəfərova və 32 saylı tam orta məktəbin şagirdi Vaqif Vəlibəyli, 272 saylı tam orta məktəbin şagirdi Fidan Həsənova, Aygül Ağayeva və 1saylı uşaq evinin sakini Aysun Piroğlanova olublar.

Qaliblərə diplomlar və hədiyyələr təqdim olunub. 108 müsabiqə iştirakçısı isə həvəsləndirici sertifikatlarla təltif edilib.

Qeyd edək ki, YAP Nizami rayon təşkilatı 20 Yanvar faciəsinin 35-ci ildönümü ilə əlaqədar sosial aksiya da keçirib.