Türkiyə Futbol Federasiyasının İntizam Komitəsi oyunu yarımçıq dayandıran klubların cəzasını sərtləşdirib.
"Unikal" xəbər verir ki, xal silmə cəriməsi 3-dən 9-a yüksəldilib.
Çıxarılan qərara görə, meydanı tərk edən komandanın futbolçuları 5-10 oyunluq, klubun rəhbərliyi ilə isə 1 illik cəzalara məruz qalacaqlar. Bundan başqa 20-100 milyon Türkiyə lirəsi cərimələr tətbiq olunacaq.
Qeyd edək ki, Türkiyə Super Liqasının son turunda "Adana Dəmirspor" hakim qərarlarına etiraz olaraq, meydanı tərk edib.
