Azərbaycanın aşağı yaş qrupları üzrə milli komandaların yeni baş məşqçilər təyin olunub.

"Unikal" AFFA-nın rəsmi saytına istinadən xəbər verir ki, bu barədə qərar İcraiyyə Komitəsinin iclasında qərar qəbul edilib.

Azərbaycanın U-21 yığması Ayxan Abbasova tapşırılıb. O, bu postda Samir Əliyevi əvəzləyib. Mütəxəssislə müqavilənin müddəti 2 illik nəzərdə tutulub.

Elxan Abdullayev U-19, İlham Yadullayev U-18 (2008-ci il təvəllüd), Aqil Nəbiyev isə U-17 (2009-cu il təvəllüd) yığmalarının sükanı arxasına keçiblər. Onların hər biri ilə 2025-ci ilin sonuna kimi müqavilə imzalanıb.