Gürcüstanın keçmiş prezidenti Salome Zurabişvili müxalifətin respublika ərazisində “yeni güclə” etiraz aksiyaları keçirəcəyini bəyan edib.

"Unikal" xəbər verir ki, onun sözlərini Formula TV kanalı yayıb.

Aprelin 1-də o, müxalifət tərəfdarlarının toplaşdığı parlament qarşısında çıxış edib.

"Dünənki etiraz bizə ümid verir və təsdiq edir ki, hökumət onu dağıtmaq iqtidarında deyil. Etiraz mövcuddur və fürsət yarananda o, özünü daha da güclü şəkildə göstərəcək", - Zurabişvili bildirib.

Gürcüstanda etirazlar 2024-cü ilin oktyabrından davam edir. Müxalifət partiyaları və Zurabişvili hakim “Gürcü Arzusu” partiyasının qələbəsi ilə nəticələnən parlament seçkilərinin nəticələri ilə razılaşmır.

Bundan əlavə, 2024-cü il dekabrın 14-də Gürcüstanda yeni sistemlə prezident seçkiləri keçirilib. İlk dəfə olaraq dövlət başçısını ölkə vətəndaşları deyil, seçicilər kollegiyası seçib  “Gürcü Arzusu” partiyasının namizədi Mixail Kavelaşvili qalib gəlib. 

Gülayə Mecid