Rumıniyalı iş adamı və keçmiş peşəkar tennis və xokkey oyunçusu İon Tiriak kəşmekeşli həyatı ilə yenidən gündəmə gəlib. 

"Unikal" xəbər verir ki, 86 yaşlı Tiriak o dövrü “Həyatda qalmaq üçün hətta siçan da yedim” sözləri ilə izah edib.

Rumıniyanın 1940-cı illərdə yaşadığı ictimai xaosdan təsirlənən Tiriak, bu çətin vəziyyətləri geridə qoymaq üçün idmana üz tutub.  Beləliklə o, əvvəlcə buz xokkeyindəki istedadlarını nümayiş etdirib və daha sonra peşəkar tennis karyerasına başlayaraq həyatını dəyişdirib. 

500 Ion Tiriac Photos & High Res Pictures - Getty Images

İon 60, 70 və 80-ci illərdə peşəkar tennis dünyasında iştirak edib  və karyerası ərzində 5 çempionluq qazanıb.  Tennisdən ayrıldıqdan sonra Tiriak məşqçiliyə üz tutdu və Guillermo Vilas, Boris Becker, Goran İvaniseviç və Henri Laconte kimi dünya səviyyəli oyunçuların karyerasına rəhbərlik edib. 

Tiriak tennis karyerasından sonra təkcə məşqçi kimi deyil, tennis təşkilatlarına rəhbərlik edən bir iş adamı kimi də diqqət çəkib. 

Tennis news 2021, Ion Tiriac net worth, richest athletes list, Roger Federer

Rumıniyada ilk özəl bankı qurub 

Bundan əlavə, paralel olaraq etdiyi sərmayələrlə maliyyə dünyasında mühüm yer qazanıb. Qeyd edək ki, o, Rumıniyanın ilk özəl bankını qurub, onlarla filialı ilə onu uğura çevirib.

Tiriak həmçinin aviasiya, sığorta və daşınmaz əmlak sektorlarında fəaliyyət göstərərək geniş biznes şəbəkəsi yaradıb. "Forbes"in hesablamalarına görə, onun sərvəti təxminən 2,1 milyard avroya çatır və qiymətli aktivləri arasında təsirli avtomobil kolleksiyası var.

PHOTO GALLERY. Romanian billionaire Ion Tiriac adds the most powerful  Porsche 911 in history to his private collection, alongside Simona Halep's  car - Business Review

İon Tiriak "Jurnalul National"a verdiyi müsahibədə övladları haqqında diqqət çəkən açıqlamalar verib. O, "Mənim üç rəsmi övladım və 30 qeyri-rəsmi uşağım var; inanıram ki, onların hamısı eyni hüquqlara malikdir", - deyərək gündəmə səbəb olub.  

Gülayə Mecid