Rusiya miqrasiya qanunvericiliyinə dəyişikliklər edilib, buna əsasən vizasız ölkə vətəndaşlarının ölkəyə girişi üçün yeni qaydalar müəyyən edilib. 

"Unikal" xəbər verir ki, bu barədə TASS məlumat yayıb. 

Qeyd olunub ki, iyunun 30-dan etibarən Rusiyaya daxil olmağı planlaşdıran Aİİ ölkələri də daxil olmaqla, vizasız ölkələrin bütün vətəndaşlarından 72 saat əvvəl Rusiyanı xəbərdar etmələri tələb olunacaq.

Qeydiyyat üçün vahid portalın “RuID” mobil əlavəsi yaradılacaq: "Bu, Rusiyaya planlaşdırılan girişdən ən geci 72 saat əvvəl, fövqəladə hallarda isə 4 saatdan gec olmayaraq baş verəcək". 

Tətbiq vasitəsilə ərizə təqdim etdikdən sonra və Rusiya Federasiyasına daxil olmamışdan əvvəl Rusiyanın müvafiq orqanları vətəndaşın məlumatlarını yoxlayacaqlar. Vətəndaşın daxil olmasına icazə verilərsə, o, müvafiq kodu alacaq və onu sərhədçiyə təqdim edəcək. Bu kod olmadan əcnəbinin Rusiyaya daxil olmasına icazə verilməyəcək.

Ağarza Elçinoğlu