ABŞ prezidenti Donald Tramp "Böyük Gün" olaraq xarakterizə etdiyi açıqlamada yeni tarif siyahısını açıqlayıb. O, bəzi ölkələrə tətbiq edilən vergilərin məbləğini iki dəfə artırıb, siyahıya yeni ölkələr də əlavə edilib.

"Unikal" xəbər verir ki, Trampın bu addımı Avropa İttifaqının (Aİ) reaksiyasına səbəb olub. 

Fransa hökumətinin sözçüsü Sofi Primas bildirib ki,  Aİ ABŞ ilə "ticarət müharibəsinə hazırdır" və Trampın yeni tariflərinə cavab olaraq "onlayn xidmətləri hədəf almağı" planlaşdırır.

"Bizim ixtiyarımızda çoxlu alətlər var və biz bu ticarət müharibəsinə hazırıq. Sonra istehsal sektorlarımızı necə dəstəkləyəcəyimizə baxacağıq. O, özünü dünyanın ağası hesab edir. Bu, bizim unutduğumuz, lakin indi böyük qətiyyətlə geri dönən imperialist mövqedir", - sözçü əlavə edib. 

Gülayə Mecid