“Meduza” portalının təsisçisi Qalina Timçenko (Rusiya Federasiyasında xarici agent kimi tanınır) barəsində axtarış elan edilib.

"Unikal" xəbər verir ki, bu barədə Rusiya Daxili İşlər Nazirliyi məlumat yayıb.

Onun hansı Cinayət Məcəlləsinin hansı maddəsi ilə axtarışa verildiyi qeyd olunmur.

May ayında Rusiya Federasiyasının İstintaq Komitəsi Timçenkoya qarşı Rusiya Federasiyasının ərazisində arzuolunmaz təşkilatın fəaliyyətinin təşkili maddəsi ilə cinayət işi açıb.

Müstəntiqlərin müəyyən etdiyi kimi, 2024-cü ilin sentyabrında və 2025-ci ilin martında Timçenko “vətəndaşlar arasında etiraz əhval-ruhiyyəsi yaratmaq, habelə onları Rusiyada arzuolunmaz elan edilmiş təşkilatın fəaliyyətinə cəlb etmək üçün” internetdə video yayımlayıb. Jurnalist xaricdə yaşayır.

Qalina Timçenko əvvəllər Lenta.ru xəbər portalının baş redaktoru olub, sonra "Meduza" onlayn nəşrini təsis edib.