Bu saatlarda Lənkəranda mağazada yanğın baş verib.

"Unikal" xəbər verir ki, yanğın hadisəsi şəhərin "DOSA" deyilən ərazisində yerləşən mağazada baş verib. Dərhal yanğın yerinə FHN-nin Lənkəran yanğından mühafizə hissəsinin 2 texnikası, canlı qüvvəsi eləcə də polis və təcili yardım briqadası cəlb olunub. Yanğının söndürülməsi istiqamətində işlər aparılır. Əldə etdiyimiz məlumata görə artıq yanğın ətrafdakı mağazaya da keçib. 

Polis əməkdaşları tərəfindən yanğın baş verən ərazi nəzarətə götürülməklə mühafizə tədbirləri həyata keçirilib.

Hazırda alovun digər tikililərə keçməsinin qarşısı alınır.

Xəlil Əliyev