Ukrayna avqustun sonunda keçiriləcək sammitlə bağlı Rusiyanın cavabını gözləyir.

"Unikal" xəbər verir ki, bu barədə Ukrayna prezidenti Volodimir Zelenski Teleqram kanalında bildirib. 

Zelenski bildirib ki, Kiyev danışıqların Avropa nümayəndələrinin iştirakı ilə aparılmasını təklif edib. Onun sözlərinə görə, bu, Fransanın rəhbəri Emmanuel Makronla söhbətində müzakirə olunub.

Ukrayna tərəfi iyulun 23-də İstanbulda müzakirələr zamanı iki ölkə liderlərinin görüşü təşəbbüsü ilə çıxış edib.