İran parlamentinin sədri Məhəmməd Baqer Qalibafın oğlu İshaq Qalibafa aid edildiyi bildirilən görüntülər son günlər sosial mediada geniş müzakirələrə səbəb olub.

"Unikal" xəbər verir ki, görüntülərdə İshaq Qalibafın qadınlarla birlikdə olduğu, içki məclislərində iştirak etdiyi və rəqs etdiyi kadrlar yer alıb.

İshaq Qalibaf daha əvvəl də xaricdə yaşaması, imtiyazlı həyat tərzi və siyasi elitanın ailələrinə məxsus imkanlarla bağlı müzakirələrdə gündəmə gəlib. Atası Məhəmməd Baqer Qalibaf isə İranın ən nüfuzlu siyasi simalarından biri hesab olunur.