Yay mövsümü ilə əlaqədar Bakı Beynəlxalq Avtovağzal Kompleksində (BBAK) yanğından mühafizə tədbirləri gücləndirilib, əməkdaşlar üçün praktiki təlim-məşqlərə başlanılıb.

"Unikal" xəbər verir ki, əlimlərin əsas məqsədi əməkdaşların mümkün yanğın hadisələri zamanı operativ və düzgün davranış qaydalarına yiyələnməsini, həmçinin yanğınsöndürmə balonlarından istifadə bacarıqlarının artırılmasını təmin etməkdir.

Keçirilən məşğələlər zamanı şəxsi heyət ərazidə yaradılan şərti yanğın ocağının söndürülməsində fəal iştirak edib, yanğın təhlükəsizliyi sahəsində nəzəri biliklərini praktik tətbiqlə möhkəmləndirib. Təlim iştirakçıları fövqəladə hallarda görülməli tədbirlər və ilkin müdaxilə qaydaları barədə ətraflı məlumatlandırılıblar.