2026-cı il dünya çempionatında 1/16 final mərhələsinin oyunları davam edir.
"Unikal" xəbər verir ki, günün ilk matçında Fil Dişi Sahili və Norveç milliləri üz-üzə gəlib.
Görüş Bakı vaxtı ilə saat 21:00-da başlayıb.
Oyunda hesabı Norveç millisi açıb. Antonio Nusa qarşısıalınmaz zərbə ilə komandasını önə keçirib: 1:0. İlk hissədə başqa qol vurulmayıb.
Afrika təmsilçisi 74-cü dəqiqədə bərabərlik qolunu vurub. Amad Diallo fərqlənib. 86-cı dəqiqədə səhnəyə Erlinq Haaland çıxıb. "Siti"nin ulduzu hesabı 2:1 edən qolu vurub.
Görüş bu hesabla başa çatıb və Norveç millisi adını növbəti mərhələyə yazdırıb.
Norveç 1/8 final mərhələsində Braziliya yığması ilə qarşılaşacaq.
