"Ölkəmiz nə xarici sui-qəsdlər üçün sınaq meydançası, nə də xarici ambisiyaların reallaşması üçün platformadır".
"Unikal" xəbər verir ki, bunu Suriya prezidenti Əhməd əl-Şaraa "Əl-Mayadeen" televiziyasına verdiyi müsahibədə bildirib.
O, həmçinin, Suriyanın cənubunda davam edən əməliyyatlar fonunda İsrailin hücumlarını qınayıb.
Bir gün əvvəl işğal olunmuş Qolan təpələrinin yaxınlığındakı kəndlərin sakinləri evlərini tərk etmək məcburiyyətində qalıblar.
Suriya Xarici İşlər Nazirliyi "İsrail təcavüzünü" qınayaraq, hücumları "Suriyanın suverenliyinin və ərazi bütövlüyünün kobud şəkildə pozulması" adlandırıb.
Əhməd əl-Şaraa Suriya hakimiyyətinin ölkənin ərazi bütövlüyünü və sabitliyini qorumağa sadiq qaldığını vurğulayıb.
