Salyanda yol qəzasında ölənlərin sayı dörd nəfərə çatıb.
"Unikal" xəbər verir ki, hadisə zamanı xəsarət alan, rayonun Şorsulu kənd sakini, 1972-ci il təvəllüdlü Əsədov Vüqar Tahir oğlu həkimlərin səyinə baxmayaraq, xəstəxanada ölüb.
Faktla bağlı araşdırma aparılır.
*** 19:59
Salyan rayonunda baş verən yol qəzasında ölənlərin sayı üç nəfərə çatıb.
"Unikal" xəbər verir ki, xəstəxanaya yerləşdirilən yaralılardan biri həkimlərin səyinə baxmayaraq həyatını itirib.
Ölənlər rayonun Şorsulu kənd sakinləri Əhmədov Elnur Faiq oğlu, Qasımov İlkin Qismət oğlu və Qasımov Nizami Həsənağa oğludur. Yaralılar isə Hümbətov Əlifağa Elsevər oğlu, Məmmədova Rəhmiyyə Rəhman qızı və Əsədov Vüqar Tahir oğludur.
XXX
19:01
Salyan rayonunda ölümlə nəticələnən yol-nəqliyyat hadisəsi baş verib.
“Unikal”ın məlumatına görə, rayon ərazisində “Toyota Prado” markalı avtomobillə “VAZ2106” minik maşını toqquşub.
Hadisə nəticəsində bir nəfər ölüb, yaralanan var. Əraziyə aidiyyəti qurumlar cəlb olunub.
Gülayə Mecid
