Rusiyanın məşhur həkim-kardioluq Leo Bokeriya insult keçimiş Özbəkistan prezidenti İslam Kərimovu müayinə etmək üçün Daşkəndə uçub.

Unikal.org  Publika.az-a istinadən xəbər verir ki, bu barədə məlumatlı mənbə "Life.ru saytına məlumat verib.Mənbənin məlumatına görə, L. Bokeriya avqustun 27-də saat 20:50-də Şeremetyevo hava limanından təyyarə ilə Özbəkistana uçub.

"Biletlər təcili sürətdə alınmışdı. Bokeriya hava limanına yaxınlaşanda biletlər artıq hazır idi. Kardioloq Daşkənddə avqustun 28-i saat 03:00 radələrində endi. Səhər yerli vaxtla saat 10:00-da Özbəkistandan şəxsi bortu Moskvaya uçuş üçün hazırlamağa başladılar. 14:25-də Leo Bokeriya şəxsi təyyarədə Daşkənddən Vnukova-3 hava limanına uçdu, - deyə mənbə bildirib.

Qeyd edək ki, Leo Bokeriya İslam Kərimovun xəstəlik tərixçəsi ilə yaxşı tanışdır. Onun 2004-cü ildə Özbəkistana səfərinin də Kərimovun xəstəliyi ilə əlaqədar olduğu deyilirdi. Lakin L. Bokeriya həmin vaxt bildirmişdi ki, Daşkənddə səfərinin məqsədi İslam Kərimovu müayinə etmək olmayıb.