"Bu sözləri yazarkən anladım sənin dəyərini..."
Unikal.org Primetime.az-a istinadən xəbər verir ki, bu gün xalq artisti, görkəmli teatr və kino xadimi Yaşar Nurinin 65 yaşı tamam olur.
Mərhum sənətkarın xatirəsi onun bir çox tamaşalarda tərəf-müqabili, həmçinin yaxın dostu olan məşhur aktrisa Firəngiz Mütəllimova tərəfindən anılıb. Sevilən aktrisa İnstagram hesabında bu sözləri yazaraq, kədərini belə ifadə edib:
"Doğru deyiblər, həyat bir pəncərədir. Hər gələn baxıb gedər. Bu gün 65 yaşın tamam olur. Allah sənə rəhmət eləsin, əvəzolunmz sənətkarımız.
Allah ailənizi qorusun... Səndən xəbərsiz səni axtarıram. Bağışla, bu sözləri yazarkən anladım sənin dəyərini, canım mənim".
