Roma Papasının Azərbaycana planlaşdırılmış səfəri "Hamımız qardaşıq şüarı altında həyata keçiriləcək.

Unukal.org Oxu.az-a istinadən xəbər verir ki, bu barədə Müqəddəs Taxt-Tacın mətbuat xidmətinin yaydığı məlumatda bildirilir.

Məlumata görə, Roma Papası Fransisk Qafqaza sentyabrın 30-dan oktyabrın 2-dək davam edəcək ikinci apostol səfəri çərçivəsində Gürcüstan və Azərbaycana gələcək.   

""Hamımız qardaşıq şüarı "Matfeydən İncildə yer almış kəlamlardan (23,8) və roma-katolik kilsəsinin "bütün insanlar vahid ailənin bir hissəsidir, qardaşlığa və dostluğa şağrılırlar   təlimindən ilhamlanıb, - deyə Müqəddəs Taxt-Tacın mətbuat xidmətinin yaydığı məlumatda bildirilir.

Məlumatda həmçinin qeyd olunur ki, səfərin loqotipi şüarın mahiyyətini əks etdirir. 

Qeyd edək ki, planlaşdırılan səfər hazırkı papanın sayca 16-cı xarici səfəridir. Səfərin proqramına əsasən, Fransisk sentyabrın 30-da Tiflisə, oktyabrın 2-də isə Azərbaycana səfər edəcək. Roma Papası bu ilin iyununda İrəvana səfər etmişdi.