Məlum olduğu kimi bu gün Mətbuat Şurasının sədri, millət vəkili Əflatun Amaşov elektron mediaya dövlət tərəfindən maliyyə dəstəyinin verilməsi ilə bağlı parlamentdə məsələ qaldırdı.
Unikal.org Əflatun Amaşovun təklifi ilə bağlı elektron KİV rəhbərlərinin fikirlərini öyrənib.
Baymedia.az saytının təsisçisi Elçin Mirzəbəyli millət vəkilinin səsləndirdiyi fikirləri belə şərh edib:"Əflatun bəy öz çıxışında bir sıra mühüm məqamlara toxunub. Mətbuat Şurası sədrinin internet medianın hüquqi statusu ilə bağlı diqqət çəkdiyi məsələ günümüzün ən aktual problemlərindən biridir. İnternet mediaya dövlət tərəfindən maliyyə dəstəyinin verilməsi də bilavasitə bu sahədə hüquqi bazanın formalaşdırılmasından asılıdır.
Unikal.org saytnın təsisçisi Asəf Rzayev Mətbuat Şurası sədrinin təklifini dəstəklədiyini vurğulayıb:"Biz mətbuat işçisi olaraq hər zaman dövlətin dəstəyini hiss etmişik. Bu gün də hiss edirik. Əflatun Amaşov olduqca vacib məsələni Milli Məclisdə qaldırıb. Mən də bu təklifi dəstəkləyirəm. İnanıram ki, dövlətimiz elektron medianın da inkişafı ilə bağlı mühüm addımlar atacaq.
Azadinforum informasiya agentliyinin baş redaktoru Niyaz Niftiyevin sözlərinə görə, təklif həm jurnalistlərin sosial vəziyyətlərinin yaxşılaşdırılmasına və həmdə informasiya saytlarının texniki imkanlarının təkminləşdirilməsinə, dövlətin priolitet bildiyi sahələrin internet mediada işıqlandırılmasına öz töhfəsini verəcək: "Təbii ki, bir neçə il bundan əvvəl Mətbuat Şurası Azərbaycanda yazılı mətbuata dövlət dəstəyinin verilməsini təklif edib və bu məsələyə cənab prezident tərəfindən müsbət yanaşılıb. Azərbaycan yazılı mediasına dəstək göstərilib. Təbii ki, cənab Amaşovun internet mediyayada dövlət dəstəyinin göstərilməsi ilə bağlı təklifini müsbət dəyərləndirirəm. Gələcəkdə qəzetlərlə yanaşı, informasiya Agentlikləri, portallar dövlət tərəfindən maliyyələşdirilə bilər. Ümid edək ki, qəzetlərlə yanaşı informasiya portallarının, agentliklərin dövlət tərəfindən maliyyələşdirilməsi öz müsbət həllini tapacaq. Bu həm jurnalistlərin sosial vəziyyətlərinin yaxşılaşdırılmasına və həmdə informasiya saytlarının texniki imkanlarının təkminləşdirilməsinə, dövlətin priolitet bildiyi sahələrin internet mediada işıqlandırılmasına öz töhfəsini verəcək.
Azvision.az saytnın baş redaktoru Vusal Məmmədovun yanaşması belə olub:"Əflatun Amaşov ciddi məsələyə toxunub. Doğrudan da, indi informasiya məkanında saytların çəkisi qəzetlərdən xeyli artıqdır. Buna görə də, qəzetlərə dəstək verildiyi halda, saytlara verilməməsi məntiqli deyil. Ümid edirəm ki, Mətbuat Şurasının rəhbərinin təklifi nəticəsiz qalmayacaq.
Qaziler.az saytnın rəhbəri Rey Kərimoğlu da həmkarlarının fikirlərinə şərik olduğunu qeyd edib:"Əflatun Amaşov bu gün Milli Məclisdə internet medianın dəstəkləməyin vacib olduğunu bildirib. Mən də bu təklifi yüksək qiymətləndirirəm. Əflatun Amaşov medianın problemlərini və qayğılarını bilən adamdır. Mətbuatın hansı sahəsinin dəstəyə ehtiyacı olduğunu çox yaxşı anlayır. Zaman- zaman bu məsələləri qaldırır. Sağ olsun, mən də onu dəstəkləyirəm. Düşünürəm ki, bu təklif dəyərləndiriləcək və dövlətimiz internet mediaya böyük dəstək verəcək.
Ölkə.az saytının baş redaktoru Məmməd Gülməmmədovun sözlərinə görə, dövlət tərəfindən elektron medianın inkişafı ilə bağlı vacib addımlar atılacaq:Əflatun Amaşovun elektron mətbuatın vəziyyəti ilə bağlı çıxışı olduqca vacib idi. Hazırda bir çox xəbər saytlarının problemləri var. Elektron KİV təhlükəsizlik və texniki vasitələrin təminatı baxımından maddiyyat tələb edir. Əflatun Amaşovun bu təklifi elektron medianın inkişafına yüksək təkan verəcək. Düşünürəm ki, dövlət tərəfindən elektron medianın inkişafı ilə bağlı vacib addımlar atılacaq.
.png "Birbank Bahar lotereyasının qalibləribəlli oldu")
.jpg "Bu il BMU-nun qəbul planı artırılıb")
.jpeg)
.jpeg)
.jpeg)
.jpg)
