Venesuela Bolivar Respublikasının Prezidenti Nikolas Maduronun Azərbaycana rəsmi səfəri başa çatıb.

Unikal.org xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Nikolas Maduronu hava limanında Azərbaycanın Baş nazirinin birinci müavini Yaqub Eyyubov və digər rəsmi şəxslər yola salıblar.

Qeyd edək ki, Prezidenti Nikolas Maduro Azərbaycandan sonra İrana səfər edəcək.