FETÖ lideri Fətullah Gülənin ABŞ-da keçirilən prezident seçkilərində uduzan Hillari Klintonun seçki kampaniyasına təxminən 2 milyon dollar maliyyə yardımı göstərdiyi iddia olunur.

Unikal.org "Milliyetə istinadən verdiyi məlumata görə, bu barədə Demokrat partiyasına yaxın mənbə bildirib.
Onun sözlərinə görə, maliyyə yardımı fərqli şəxslərin bank hesablarından göndərilib.

Qeyd olunur ki, H. Klinton seçki ərəfəsində ümumilikdə 600 milyon dollar ianə toplayıb.

FETÖ-nün ABŞ-dakı ən önəmli şəxslərindən biri, Türkiyə Mədəniyyə Mərkəzinin (Turkish Cultural Center - TCC) qurucularından olan və eyni zamanda Türkiyə-Amerika arasında biznesin inkişafına dair Şuranın (TABİD) sədri Gökhan Özkök 2015-ci ildə Klintona 1 milyon dollar pul yardımı edib.