İndoneziya polisi Prezident sarayını partlatmağa hazırlaşan üç terrorçunu Cakartanın şərqindəki Bekasi şəhərində həbs edib.

Unikal.org-un AzərTAc-a istinadən verdiyi məlumata görə, bunu paytaxt polisinin rəsmi nümayəndəsi Raden Prabovo Arqo Yuvono bildirib.

Polis rəsmisi deyib ki, terrorçuların Prezident sarayını bazar günü, mühafizəni təmin edən qarovulun dəyişdirilməsi mərasimi zamanı partlatmağı planlaşdırdığı üzə çıxıb. İndoneziya Prezidentinin sarayı hər ayın ikinci bazar günü, qarovul dəstəsinin dəyişdirilməsini görmək istəyənlər üçün açıq olur.