"Türkiyə Dağlıq Qarabağ məsələsinin həlli ilə bağlı hər zaman Azərbaycanın yanındadır.

Unikal.org xəbər verir ki, bunu Türkiyənin Azərbaycandakı səfiri Erkan Özoral bu gün Mətbuat Şurasında jurnalistlərlə keçirilən görüşdə çıxışı zamanı bildirib.

Səfir deyib ki, Azərbaycanın Dağlıq Qarabağ kimi böyük problemi möcuddur: "Bu problem nəticəsində azərbaycanın 1 milyona yaxın qaçqın və məcburi köçkünü var. Bu problem 25 ildir ki, davam edir. ATƏT-in Minsk qrupunun bu istiqamətdə fəaliyyətində ciddi irəliəyiş hiss olunmur.

Erkan Özoral qeyd edib ki, Azərbaycanın ərazi bütövlüyü bərpa olunmalıdır: "Bu münaqişənin 25 ildir ki, hələ həll edilmməsi təəssüf doğurur. Bu, Azərbaycana qarşı ədalətsizlikdir.