Türkiyənin Ordu vilayətinin Altınordu rayonunda 2016-cı il ərzində  əcnəbilərlə bağlanan nikahların sayı artıb.

Unikal.org xəbər verir ki,  bu nikahlardan 52-si əcnəbilərlə qurulub. Altınordu  bələdiyyəsindən verilən məlumata görə, evliliklərdə ilk sırada azərbaycanlılarla qurulan ailələr üstünlük təşkil  edir. 

Azərbaycanlıları isə alman gəlin və bəy namizədləri izləyir. Bu il ərzində 8 Azərbaycan, 7 Almaniya, 7 İraq, 6 Gürcüstan, 6 Rusiya, 3 Avstriya, 2 Əfqanıstan və 1 Çin, İsveçrə, Qırğızıstan, Bolqarıstan, Fələstin, Özbəkistan, ABŞ, Hollandiya, Ukrayna və Portuqaliya vətəndaşı ilə ailə  qurulub.

Statistikaya görə  rayonun 21 gənci əcnəbi gəlinlərlə həyatlarını birləşdirib. Əcnəbi gəlinlərlə  qurulan ailələrdə ilk sırada Gürcüstan, Rusiya,  Avstriya  və Azərbaycan vətəndaşlarıdır.