Almaniyada yüksək sürətlə hərəkət edən sərnişin avtobusu yaşayış evinə çırpılıb.
Unikal.org "TASS" agentliyinə istinadən xəbər verir ki, hadisə ölkənin qərbində, Qessen federal dairəsinin Lindenfeld şəhərciyində baş verib. Hadisə zamanı 3 nəfər xəsarət alıb. Bunlardan biri avtobusun sürücüsüdür. Ağır xəsarət almış sürücü xilasetmə helikopteri ilə xəstəxanaya yerləşdirilib.
Hadisə zamanı xəsarət almış həmçinin 2 sərnişin də xəstəxanaya aparılıb.
Nəqliyyat vasitəsinin çırpıldığı evdə 88 yaşlı təqaüdçşü yaşayır. O, qəza zamanı hər hansı xəsarət almayıb.
Hadisənin başvermə səbəbləri hələlik müəyyənləşdirilməyib. Avtobusun hər hansı texniki nasazlığının olmadığı bildirilir.
