İngiltərə Liqa Kubokunda yarımfinal mərhələsinin cavab oyunları keçirilib.

Unikal.org apasport.az-a istinadən xəbər verir ki, "Liverpul" "Sauthempton", "Mançester Yunayted" isə "Hall Siti" ilə qarşılaşıb.

İlk oyunda rəqibinə 0:1 hesabı ilə məğlub olan "Liverpul" bu dəfə də eyni hesabla yenilərək kubokla vidalaşıb.
"Mançester Yunayted" isə finala məğlubiyyətlə yüksəlib. Belə ki, ilk matçda "Hall Siti"ni 2:0 hesabıyla yenən Joze Mourinyonun komandası cavab qarşılaşmasında 1:2 hesablı məğlubiyyətə rəğmən həlledici matçda "müqəddəslər"ə rəqib olub.

Qeyd edək ki, "Mançester Yunayted" - "Sauthempton" finalı fevralın 26-da keçiriləcək.