Azərbaycan Milli Məclisinin (MM) növbəti plenar iclası başlayıb. İclasda Azərbaycanın Birinci vitse-prezidenti xanım Mehriban Əliyeva iştirak edir.

Milli Məclis birinci vitse-prezident Mehriban Əliyevanı alqışlarla qarşılayıb.

Unikal.org xəbər verir ki, spiker Oqtay Əsədov qeyd edib ki, birinci vitse-prezident ilk dəfədir ki, M. Əliyeva Milli Məclisə təşrif buyurub:

"Onu salamlayıb yüksək dövlət vəzifəsinə təyin edilməsi münasibətilə təbrik edək. Mehriban xanım öz doğma evinə gəlib. Onun çoxsaylı fəaliyyəti var. O, 12 ilə yaxın dövrdə bizimlə həmkar olub. Xalqımıza, dövlətə qulluq edib. Ölkədə parlament mədəniyyətinin inkişafına tövhə verib. Bir sıra qanununvericilik təşəbbüslərinin müəllifi olub, eyni zamanda 4 amnistiya aktının təşəbbüskarıdır. Milli Məclisin fəaliyyəti dövründə Amerika, Fransa parlamentlərarası dostluq qrupunun sədrləri olub. Milli Məclisi beynəlxalq aləmdə layiqincə təmsil edib. Bir sıra digər ictimai-siyasi vəzifələrlə yanaşı, YAP-ın sədr müavinidir, O həm də Heydər Əliyev Fondunun prezidentidir. O, sözün əsl mənasında millət vəkilidir. Əminəm ki, bundan sonra da xalqımızın vəkili olaraq qalacaq. Onun bu posta təyinatı ölkəmizin ictimai siyasi həyatına yeni nəfəs gətirəcək.