Portuqaliya milli komandasının və Səudiyyə Ərəbistanının "Əl-Nəsr" klubunun 41 yaşlı hücumçusu Kriştiano Ronaldo karyerasının sonuncu Dünya Kubokunda iştirak etdiyini açıqlayıb.

"Unikal" xəbər verir ki, bu barədə o, xarici KİV-ə açıqlayıb. 

"Bəli, bu Dünya Kuboku karyeramın sonuncusudur. Sadəcə hər andan zövq almaq lazımdır. Nəticədə, oyunumuzu sevən insanlar var və biz onlara xüsusi anlar bəxş edə bilərik. Gözəl xatirələr olacaq", - deyə o bildirib. 

Qeyd edək ki, Portuqaliya 6 iyulda Dünya Kubokunun 1/8 final mərhələsində Avropa çempionu İspaniya ilə qarşılaşacaq. Oyun Bakı vaxtı ilə saat 23:00-da başlayacaq.

Ağarza Elçinoğlu