Xəbər verdiyimiz kimi bir neçə gündür yumurtanın satış qiyməti 2 dəfə ucuzlaşıb. Bir müddət əvvəl ədədi 0.16 AZN-ə satılan yumurtanın qiyməti, hazırda 0.07-0.08 AZN təşkil edir.

Bildergebnis für eyub hüseynovAzad İstehlakçılar Birliyinin sədri Eyyub Hüseynov Unikal.org-a açıqlamasında deyib ki, yumurtanın iki dəfə ucuzlaşması anidən baş verməyib:Hazırda yumurta istehsalçıları zərərlə işləyir. Bazarda alıcılıq qabiliyyəti aşağı düşdüyü üçün onlar məcburiyyət qarşısında qalıb qiyməti iki dəfə ucuzlaşdırıblar. Bu proses uzun çəkməyəcək. Yayın ortalarından etibarən yumurtanın qiymətində artım baş verəcək.

E.Hüseynov bazara keyfiyyətsiz yumurta çıxarılmasının da istisna edilmədiyini vurğulayıb: "Hazırda inqubator sezonudur. Cücə çıxması üçün külli miqdarda yumurta inkubatorlara qoyulur. Burada 3 gün sonra hansı yumurtadan cücə çıxmayacağı müəyyən olunur. Yararsız sayılan həmin yumurtalar inkubatordan kənarlaşdırılır. Belə yumurtaların da satışa çıxarılması istisna deyil.

Həsən Babayev