Bu ilin ilk yarısında Türkiyədə 97,579 min daşınmaz əmlak xarici vətəndaşlara satılıb ki, bu da ötən ilin analoji dövri ilə müqayisədə 8,1 faiz azdır.
Unikal.org-un trend-ə istinadən məlumatına görə, həmin dövr ərzində Azərbaycan vətəndaşları Türkiyədə 333 daşınmaz əmlaka sahib olublar. Bu göstərici ilə Azərbaycan beşinci yerdə qərarlaşıb.
Siyahıya İraq başçılıq edir. Belə ki, bu ölkənin vətəndaşları Türkiyədə 1645 daşınmaz əmlak alıblar. İkinci yerdə Səudiyyə Ərəbistanı qərarlaşıb (1517). Üçüncü pillədə isə 798 əmlakla Küveyt yer alıb. Daha sonra siyahıda Rusiya dördüncü (600), Azərbaycan beşinci (333), Böyük Britaniya altıncı (323), Almaniya (301) yeddincidir.
