Xəbər verdiyimiz kimi, Daxili işlər naziri, general-polkovnik Ramil Usubovun əmrinə əsasən Baş Dövlət Yol Polisi İdarəsinin İmtahan Qeydiyyat və Texniki Baxış şöbəsinin rəisi, polis polkovniki Hacımurad Abdullayev xidmətdə olmanın son yaş həddi ilə əlaqədar təqaüdə göndərilib.

Unikal.org-a daxil olan məlumata görə, nazirin digər əmri ilə İmtahan Qeydiyyat və Texniki Baxış şöbəsi, bundan sonra İmtahan Qeydiyyat və Texniki Baxış İdarəsi kimi fəaliyyət göstərəcək.

Qeyd edək ki, yeni quruma Baş Dövlət Yol Polisi İdarəsinin rəis müavini Mübariz Şahbazov təyin edilib.

BDYPİ-nin İctimaiyyətlə əlaqələr şöbəsinin rəisi, polis polkovniki Kamran Əliyev Unikal.org-a təyinatı təsdiqləyib.

Orxan Həsənli