Azərbaycanda vaxtı keçmiş kreditlərin məbləği bu il mayın 1-nə 1 708,8 mln. manat təşkil edib.
Unikal.org Azərbaycan Mərkəzi Bankına istinadən xəbər verir ki, bu, aprelin 1-i ilə müqayisədə 0,08% azdır.
İlin əvvəlinə nisbətən problemli kreditlər 5,05%, ötən il mayın 1-nə nisbətən isə 7,20% artıb.
Aprelin sonuna problemli kreditlərin ümumi kredit portfelində payı 14,46% təşkil edib. Bu nisbət martın sonuna 14,66%, fevralın sonuna 14,7%, ötən ilin sonuna 13,8%, ötən il martın sonuna isə 10,2% təşkil edib.
