Bakıətrafı ərazilərdə evlər tikilsə də, bəzi ev sahiblərinin mənzilə dair hər hansı rəsmi sənədi yoxdur və qeydiyyata alınmayıb. Hüquqşünaslar bildirirlər ki, hətta ev tikilib başa çatdıqdan sonra da ona rəsmi sənəd almaq mümkündür. Ancaq bunun üçün evin tikildiyi torpağın sənədindən başlamaq lazımdır.

Unikal.org-un xezerxeber-ə istinadən məlumatına görə, torpağa dair rəsmi sənədlər əldə edildikdən sonra evin rəsmiləşdirilməsində əsas iş icra hakimiyyətlərinin səlahiyyətində olur. Bunun üçün isə tikilinin layihəsini hazırlatdırmaq lazımdır.

İcra hakimiyyəti tikintidə hər hansı qüsur aşkarladıqda isə onu aradan qaldırmaq vətəndaşın borcudur. Vətəndaş tikintini normaya uyğun tikdiyi halda sənəd ala bilmirsə, məsələnin həlli üçün məhkəməyə müraciət etməlidir.

Ancaq elə torpaqlar da var ki, onların üzərindəki evləri rəsmiləşdirmək mümkün deyil.