Ötən gün intihara cəhdi baş nazir Novruz Məmmədov tərəfindən qarşısı alınmış şəxs "Xəzər Xəbərə danışıb.

Unikal.org-un məlumatına görə, 49 yaşlı Yaşar Əhmədov nə üçün belə addım atmaq istədiyinin səbəblərini açıqlayıb.

O, baş nazirə bildirib ki, iki övladı var, anası onları harasa aparıb, tapa bilmir, buna görə də intihar etmək istəyir. Məsələ araşdırma tələb etdiyi üçün baş nazir onu Nazirlər Kabinetinə dəvət edib.

Novruz Məmmədov Ailə, Qadın və Uşaq Problemləri üzrə Dövlət Komitəsinə göstəriş verib ki, Y. Əhmədovun problemi araşdırılsın, övladlarının harada olduğu öyrənilsin. Hazırda Komitədə araşdırma davam edir.