Rusiyanın dövlət başçısı Vladimir Putinin sözçüsü Dmitri Peskovun 16 yaşlı qızı maraqlı açıqlamalar edib.
 
Ankarada dünyaya gəlmiş 16 yaşlı Elizavetta ( Liza) Peskova iki ölkə arasındakı gərgin münasibətlərdən ən çox adi insanların təsirləndiyini söyləyib.
 
Şəxsiyyət vəsiqəsində doğum yerinin Ankara yazıldığını deyən E.Peskova Türkiyənin də Rusiya qədər ona doğma vətən olduğunu deyib: "Rusiya və Türkiyə arasında  yaşanan xoşagəlməzliklər belə, mənim bu fikirlərimi dəyişdirmədi". 
 
Atası Ankaradakı Rusiya səfirliyində diplomat işləyərkən dünyaya gələn Liza "ailəmə türk ailəsi desəm, səhv etmiş olmaram" deyir.
 
Liza məşhur türk ifaçılarından Tarkan, Ayla Çelik və Mustafa Ceceli heyranıdır. Ən sevdiyi türk romanı Reşat Nuri Güntekinin "Çalıkuşu" əsəridir. (Lent.az)