Oteldən çıxan iki şəxs iki əcnəbi qadına hücum çəkib və onları küçənin ortasında vəhşicəsinə döyüblər. Hadisə Türkiyənin Beyoğlu mahalında baş verib.
Unikal.org Türkiyə mətbutaına istinadən xəbər verir ki, hücum çəkən şəxslərdən biri qadını yaxınlıqdakı mağazanın pəncərəsinə çırpıb. Çırpılmanın təsirindən şüşə parçalanıb və qadın yaralanıb.
Yaralı qadın hadisə yerindən qaçsa da hücum çəkın şəxslərdən biri əlinə şüşə qırığı alaraq onu izləməyə başlayıb. Qaçan qadının rəfiqəsi onu qorumağa çalışarkən hücum çəkən şəxs onun üzünə şüşə kəsiyi ilə zərbələr endirib. Qadının rəfiqəsi yerə yıxıldıqdan sonra kişi onun ardınca qaçmağa davam edib.
Rəfiqəsi yenidən müdaxilə etməyə çalışsa da vəhşi adam onu döyməyə davam edib. Ərazidən keçən sakinlərdən biri araya girib. Bu zaman hər iki qadın qaçmağa nail olblar.
Hadisə yerinə polis əməkdaşları gələrək iki kişini saxlayıb. Ancaq qadınlar onlara hücum çəkən şəxslərdən şikayətçi olmayıb. Bu səbəbdən həmin şəxslər sərbəst buraxılıb.
Olay anı təhlükəsizlik kameralarına düşüb.
