Millət vəkili və Xalq artisti Zeynəb Xanlarova Amerikada öz adına xeyriyyə fondu yaradıb.

Unikal.org xəbər verir ki, bu barədə jurnalist Cavanşir Həsənli sosial şəbəkədə paylaşım edib. O bildirib ki, Z.Xanlarova 2012-ci ildə ABŞ-a köçüb:

“O, hələ 7 il əvvəl Amerikada “ZEYNAB KHANLAROVA FOUNDATION”u təsis edib. Orada xeyriyyəçiliklə məşğuldur. 2013-cü ildə Bruklində, “Sheepshead Bay Rd 1629” ünvanında tikdirdiyi 3 mərtəbəli binanın 3-cü mərtəbəsində fondun ofisi yerləşir. İkinci mərtəbə yerli hüquq firmalarından birinə icarəyə verilib. Ən alt qatında isə Avropa mətbəxi ilə tanınan "Esquiri" restoranı yerləşir. 232.2 kvadratmetr sahəsi olan restoran illik 120 min dollara icarəyə verilib. Yəni, aylıq icarəsi 10 min dollardır. İcarədən gələn vəsait isə Amerikada xeyriyyə işləri ilə məşğul olan fonda gedir”.