Azərbaycan Respublikasının Qida Təhlükəsizliyi Agentliyi fəaliyyətə başladığı ilk gündən etibarən qida təhlükəsizliyinin təmin olunması prosesində istehlakçıların iştirakına xüsusi diqqət yetirir.

Unikal.org xəbər verir ki, həyata keçirilən nəzarət və yoxlama tədbirləri zamanı vətəndaşlardan daxil olan bu məlumatlar xüsusi əhəmiyyət kəsb edir. 1003 Çağrı Mərkəzinə daxil olan müraciət və şikayətlərin hər biri diqqət mərkəzində saxlanılır və operativ şəkildə icrası təmin olunur.

Agentlik bir daha vətəndaşlardan qida təhlükəsizliyi ilə bağlı qarşılaşdıqları neqativ hallara biganə qalmamağı və bu sahədə qanunsuz fəaliyyətlə üzləşdikdə AQTA-nın 1003 Çağrı Mərkəzinə məlumat verməyi xahiş edir.