Dekabrın 25-də Nizami Rayon İcra Hakimiyyətinin başçısı Arif Qasımov tərəfindən 210 №-li tam orta məktəbdə R.Rüstəmov küçəsi 54, 56, 58, 60 və 62 ünvanlarda yaşayan sakinlərlə növbəti səyyar qəbul-görüş keçirilib.

Unikal.org xəbər verir ki, görüşdə Rayon İcra Hakimiyyəti başçısı aparatının məsul işçiləri, 2 №-li sahə inzibati ərazi dairəsi üzrə nümayəndəliyin əməkdaşları, rayonun xidmət sahələrinin rəhbərləri və sakinlər iştirak ediblər.

Qəbulda sakinlər binaların dam örtüyünün və liftin təmiri, həyətlərin abadlaşdırılması, ağacların budanması, istiliklə təchizat və digər sosial problemlərlə bağlı Rayon İcra Hakimiyyətinin başçısı Arif Qasımova müraciət ediblər.

Səyyar qəbulda sakinlər tərəfindən qaldırılan məsələlər rayon rəhbəri tərəfindən dinlənilərək sakinlərə müvafiq izahatlar verilib, mövcud problemlərin həlli üçün əlaqədar qurum və təşkilat rəhbərlərinə yerindəcə tapşırıqlar verilib və onların həlli nəzarətə götürülüb.