Xəbər verdiyimiz kimi, səhər saatlarında Tovuz rayonu ərazisində şiddətli döyüşlər nəticəsində general-mayor Polad Həşimov şəhid olub.

Unikal.org-un məlumatına görə, şəhid Həşimov aprel döyüşlərində də iştirak edib, həmin döyüşlərin qəhrəmanlarından biri hesab edilir. Göstərdiyi şücaətə görə, o  ordenlə təltif olunmuş və ona dövlət tərəfindən ev verilib.
P. Həşimov isə həmin evi ehtiyacı olan bir şəhid ailəsinə bağışlayıb və özü isə kirayədə yaşayırmış.

Qeyd edək ki, şəhid generalın iki qızı və bir oğlu var.

Elvin Rüstəmov