Ölkənin ən məşhur taksit kartlarından olan BirKart Azərbaycanda ilk dəfə olaraq düşmən işğalından azad olunan şəhərdə ilk partnyoru – AzCake ilə əməkdaşlıq müqaviləsi imzalayıb. İstehsal sahəsi və mağazadan ibarət olan AzCake, Şuşa şəhərində fəaliyyətə başlayan ilk sahibkarlıq subyektidir.

Unikal.org xəbər verir ki, əməkdaşlıq çərçivəsində qədim Şuşa şəhərimizdə bir neçə gün əvvəl ilk filialını açan AzCake mağazasında alış-veriş edən BirKart sahibləri, məbləği 2 taksitlə ödəyə bilərlər. Bununla da dövlət tərəfindən mülki əhaliyə Şuşaya getmək imkanı yaradılan kimi, taksit imkanından yararlanmaq olar.  

Həmçinin, BirBank mobil tətbiqi vasitəsilə 1000 “Ürək” müqabilində pulsuz şirniyyat əldə etmək olar. Bildiyiniz kimi BirBank istifadəçiləri POS terminal, İnternet və BirBank vasitəsilə ödənişlər edərək, “Ürəklər” qismində olan bonuslar qazanırlar və sonra həmin bonusları müxtəlif hədiyyələrə və kuponlara dəyişə bilirlər. 

Qeyd edək ki, BirKart-ın 4 növü var – taksit, taksit/cashback, taksit/miles və taksit/Umico. BirKart bir sıra üstünlüklərə malikdir: 18 ayadək faizsiz taksitlə hissə-hissə ödəmək imkanı, birdəfəlik ödənişlərdə 40 günədək güzəşt müddəti, istənilən aviabiletə dəyişilməsi mümkün olan millərin toplanması, həmçinin 1,5%-dən başlayan cashback imkanı, SMS məlumatlandırma xidməti isə pulsuzdur. BirKart-ın ölkə üzrə 7500-dən çox partnyor şəbəkəsi fəaliyyət göstərir və bu say artmaqdadır.