Azərbaycandan Rusiyaya daha 272 nəfər qayıdıb.
Unikal.org xəbər verir ki, bu barədə Rusiyanın Dağıstan Respublikasının milli siyasət və dini məsələlər naziri vəzifəsini yerinə yetirən Enrik Müslümov bildirib.
Onun sözlərinə görə, daha 272 Rusiya vətəndaşı Azərbaycanla dövlət sərhədini keçərək Vətənə qayıdıb. Həmin şəxslər Rusiyanın müxtəlif regionlarının sakinidir. Onlar iki həftə özünütəcrid şəraitində qaldıqdan sonra yaşadıqları yerlərə gedə biləcəklər.
Qeyd edilib ki, Azərbaycan ilə Rusiya arasında quru sərhədi koronavirus pandemiyası ilə əlaqədar martın 1-dək piyada keçidi üçün bağlıdır. Yük daşımaları isə müvafiq qaydada həyata keçirilir.