İranda ötən 24 saat ərzində 41 194 nəfər koronavirusa yoluxub, 655 nəfər ölüb.
Unikal.org-un məlumatına görə, bunu İranın Səhiyyə, Müalicə və Tibbi Təhsil Nazirliyi elan edib.
Bununla da İranda bu virusdan ölənlərin sayı 98 483 nəfərə, yoluxanların sayı isə 4 467 015 nəfərə çatıb. Virus daşıyıcılarından 7 379 nəfərin vəziyyəti ağır qiymətləndirilir.
Koronavirusa yoluxma üzrə 359 rayon qırmızı, 59 rayon isə narıncı zona hesab olunur. Qırmızı və narıncı zona hesab olunan rayonlara gediş-gəliş qadağandır.
