Bir neçə gün öncə atası vəfat edən müğənni Koray Avcı sosial şəbəkə paylaşımı ilə gündəmə gəlib.

Unikal.org Türkiyə mətbuatına istinadən xəbər verir ki, atasının fotosunu paylaşan sənətçi hisslərini belə ifadə edib:

“Mənə belə baxdığının heç fərqində olmamışam. Heç oturub içki də içmədik səninlə. Aşiq olduğumu da danışa bilmədim sənə, amma çox əyləncəli bir uşaqlıq keçirdim. Gəncliyim işləməklə keçdi, çox görə bilmədik biri-birimizi. Tam vaxtı idi indi. “Hələ edəcək çox şey var” deyirdik. Yarım qaldı hər şey. İkimiz işlədik, sanki heç son yoxmuş kimi. Artıq dincəlmək vaxtıdır. Anam və bacımı üçün narahat olma. Mənə həmişə “Davam et, məni bir gün itirsən belə mahnı oxuyacaqsan” dedin. Deyəsən, başqa çarəm yoxdur. Səni otuz yaşımda itirdim”.

Qeyd edək ki, Korayın atası Veysəl Medet ürək və böyrək çatışmazlığından əziyyət çəkirdi.